陳嘉桓力證冇溝仔 發聲明平反
現年19歲的上位女星陳嘉桓（Rose），去年11月於內地涉遭陳浩民、馬德鐘「狼吻」，Rose師 傅冼國林得悉後大怒，本揚言在內地報公安，後因兩人「捐款」令冼師傅態度軟化，事件擾攘兩個月後終告落幕。怎料踏入2012年，Rose又惹上緋聞，昨日 有報道指身處雲南拍攝電影《光輝歲月》的她，趁母親不在即夜蒲玩樂，於聖誕及除夕夜與《光》片演員通宵唱K飲酒，每日收工會主動搵兩名80後星二代狄龍之 子譚俊彥及米雪外甥徐偉棟相伴，又可自由上落內地新星李煒的車，有劇組人員封她跟另一演員陳雅倫為「小姣、大姣」。
保留法律追究
再 次爆出負面新聞，Rose母親及冼國林師傅所屬公司「國藝」即站出來為她平反呼冤，「國藝」發聲明澄清，Rose跟劇組人員相處融洽，從未對Rose作出 一個「不禮貌的稱呼」，報道具有誹謗成分並為Rose帶來負面形象，公司會保留一切法律追究的權利。Rose得到冼師傅及公司力撐，今年公司會繼續力捧 她，安排好的角色讓她發揮。
Rose經理人冼國林接受電話訪 問指報道失實過分，一張親暱照也沒有便寫了整段報道太誇張：「我睇十次啲相，都唔會聯想到咁多嘢。（會唔會心痛徒弟畀人咁寫？）可能Rose太純品，圈中 太少呢類型嘅女仔，所以成日畀人胡亂咁寫，只好同佢講清者自清，我亦唔想對呢啲失實嘅報道再作出任何回應。」
而 Rose的經理人兼阿媽Ronnie說：「明眼人一睇都知啲相畀人裁過，導演熊欣欣同志偉喺雲南期間經常都會約埋一大班人去食飯，聖誕、元旦都有約埋一齊 慶祝，唔會只得譚俊彥、徐偉棟，而我之前都有陪Rose上過去雲南，當時七哥（指熊欣欣）都好照顧Rose，叫Rose同邊個食飯去邊都要同劇組講聲，方 便照顧佢。」Rose則表示現只想專心工作，不會理會任何失實報道。
熊欣欣讚乖女
導 演熊欣欣亦為Rose講好說話，他認為報道乃無中生有，他眼中的Rose是個聽話的乖乖女：「佢除咗食飯，其他時間都喺酒店度睇劇本，有時仲會落片場睇前 輩做戲。」他表示Rose只會出席劇組安排的大圍飯局，更是滴酒不沾，對於有指Rose被稱呼為「小姣」，他激動地說：「啲人咁寫，絕對冇咁嘅事！對一個 女仔嚟講係一個傷害！」
另外，報道出街前，昨晨心情大靚的Rose密密發自拍照上微博，希望下完雨，太陽會快點出來：「剛才說太陽快點來，馬上就看到雨後彩虹，今天運氣好。」
